張文慈挑戰行玻璃橋　簡單一招克服畏高症

藝人張文慈（Pinky）連月來留守內地工作，直至日前她應邀到海南島公幹，忽發其想提早出發，於當地旅遊一天「熱身」：「海南島位於中國最南部，全年都係亞熱帶天氣，可謂風和日麗兼風景如畫。由於疫情已經成年冇旅行，所以我決定寓工作於娛樂，搵人帶我四出遊覽吓。」

畏高的Pinky到訪「網紅玻璃橋」打卡，影靚相之餘又拍片「慰勞」粉絲：「本來都腳軟㗎，後嚟醒起唔望下面就得，跟住我就喺條橋走嚟走去參觀，真係好似克服咗畏高咁。」由於稍後要準備劇集及電影拍攝，她直言最遲只可留到明年1月，便要回港：「其實都好掛住香港，返到嚟會陪屋企人，同埋希望疫情減退，可以約吓朋友敍舊啦。」