分店開到去新加坡!謝雪心做商業女強人

2020年12月14日 22:01
東網電視
更多新聞短片
謝雪心落力做生意!
藝人謝雪心為網上購物平台「星點讚直播」擔任嘉賓,身兼保健產品董事兼代言人3年的她力Sell產品。問到疫情之下可有影響生意?她坦言門市生意有減少,但幸好有增設送貨上門服務,生意額都可以拉上補下,然後又興奮透露新加坡已開設分店,月尾亦進軍上海及北京。問到她是否想從商?她笑言:「只係想幫朋友,台慶嗰日見到好多藝人行路拐吓拐吓,都有介紹針灸儀畀佢哋,可以免費試用15次。(成盤生意投資咗幾多位數字?)唔多又唔少啦。」
講到TVB再有工作人員「中招」,她愕然指:「冇留意到,呢排都冇開劇,對上一部拍《陀槍師姐2021》知道有人喺出面小食亭嘔吐,都嚇親,好彩係虛驚一場。(依家叫你開工會推?)唔會,係演員嘅操守,都會照做。」另外,又提到近日有確診者於西九戲曲中心聽曲,她表示自5月參加義唱籌款活動後都沒有再操曲,希望大家齊心抗疫。