藝人蕊蕊出席直播帶貨活動，透露以往試過當客席嘉賓，今次首當主導感緊張，幸好有兩位拍檔一起分擔，問到活動是否集中美容範疇？她說：「唔想淨係做帶貨，我哋有唔同角色，我負責講潮流方面，佢哋講美容同心靈治療嘅嘢，希望帶唔同資訊畀大家，暫時一星期做1次，之後希望做到多少少。」

工作方面，她表示原定演出舞台劇，但疫情關係已先後改了4次日子，若然明年1月還未能公演就只能放棄，不過蕊蕊直言有信心能如期演出，問到屆時男友會否包場？她笑說：「有啲朋友好好，買咗好多飛，但我反而愈Close嘅人愈怕佢哋嚟，因為會好緊張，所以都叫男友唔好嚟。」更指與男友拍拖兩年，有共識工作行先，暫未計劃結婚：「呢個年紀拍拖都係以結婚做方向（生小朋友？）好大責任，香港環境唔係幾好，自己經濟能力又唔穩定，所以睇定啲先。」