【狂解釋】謝文欣錯手Send蛋糕相畀男藝人「表白」

社交平台好似已經成為大家的生活文化，人人都愛在網上分享喜怒哀樂，不過好多時啲人手快快會打錯嘢，但又傻更更撳咗出去而鬧出笑話，想知有冇藝人試過在在社交網分享時出錯post或相片，事後需要低調地更改的有趣難忘經歷？

歌手謝文欣：「有次情人節，我影咗張好靚嘅情人節蛋糕相，我諗住放上社交網限時動態，但只限於畀親密朋友睇，點知唔小心撳錯掣send咗畀個有女朋友嘅男藝人，但又刪除唔到，即刻不斷解釋，因為我好擔心對方以為我情人節同佢表白，咁就水洗都唔清。」

主持人Kawaii：「最普遍係手快快寫錯字，通常打咗個同音字，朋友發現喺下面留言提我，我神不知鬼不覺咁即刻改返。有時社交網會自動tag錯人，我就試過人哋甫相，明明嗰個係姚樂怡，但又tag錯咗我囉。」

藝人駱胤鳴：「試過打錯Sponsor名，然後係fans見到提番我，其實當時連個客都無發覺！不過之後打Sponsor我都會檢查好多次。」