加碼晒靚相！王敏奕化身金髮女郎晒香肩露玉背

無綫劇集《香港愛情故事》好評不斷，其中飾演「Shay」一角嘅王敏奕一改甜美形象，化身叛逆少女兼上演大膽床戲，即刻人氣急升。佢更晒出黑白性感相造勢，大玩朦朧美，只騷半面及側面，但網民直呼唔夠喉！

佢立即「加碼」，上載近鏡自拍照，佢再以劇中金髮示人，而且着上吊帶小背心，騷出香肩及白滑玉背，加上微微甜笑，與角色形成強烈對比，佢話係：「金髮女郎，限量溫柔版。」唔少人都睇到心心眼呀！