王菲謝霆鋒又傳「分」訊　李亞鵬擺前妻上枱勁風騷

天后王菲同謝霆鋒復合多年，早年不時被影到出雙入對，但近年少之又少，10月尾曾突然傳出「分」訊，話女方撻着小鮮肉Ryan，網民睇完都係得啖笑，不過事隔1個月，傳聞又再喺網上廣傳，又指王菲最愛嘅人一直都係「前前夫」竇唯，霆鋒又被發現社交網冇追蹤女友，不過王菲友人對此就表示：「瞎說！」

兩人重燃愛火，據指都經慎重考慮，畢竟2人曾各組家庭又有仔女，而王菲曾跟閨蜜分享，表示復合單純係因為愛，彼此不受婚姻束縛，只要一起相愛到老。

而另邊廂，有新戀情嘅王菲前夫李亞鵬就激罕上綜藝節目，更與大陸女星沈夢辰合唱王菲首歌《因為愛情》，佢又喺人前難得跳舞，展現好動一面！

不過，謝霆鋒似乎未受「分訊」影響心情，佢喺社交網晒出自拍短片，見入住酒店嘅佢獲安排咗一本以朱古力製成嘅相簿，相簿封面寫住佢英文名，簿皮嘅啡色部分係朱古力製成，佢二話不說搣嚟食，又笑言內裏相片唔食得！