羅天宇首提名視帝　馮盈盈爭視后跌獎陪跑

藝人羅天宇與馮盈盈在《萬千星輝頒獎典禮2020》皆獲得3項提名，更齊齊「升呢」挑戰視帝、視后！

憑劇集《反黑路人甲》首次被提名視后的馮盈盈在台上拉票，自嘲天氣冷所以來陪跑。於活動結束後她上台與獎座合照，又論盡得將獎座整跌在落地，尷尬到要踎低身。對正在訪問被嚇親的蔡思貝與黃智雯道歉：「唔好意思，對唔住！」

跌獎的馮盈盈受訪時說：「有機會提名女主角我都覺得係陪跑，所以想上台同個獎影張相，摸到就當攞到，但估唔到掂一掂都跌咗落嚟，證明我同個獎冇緣，唔好強求，到時乖乖做觀眾。（打定輸數？）絕對係，好正常。」

至於羅天宇憑《香港愛情故事》首次提名視帝，他抱平常心面對，開心劇集出街反應好，但劇集出街才發覺原來拍了好多激情戲。