入圍角逐視后！陳瀅講定唔去頒獎禮

藝人陳瀅憑主演劇集《黃金有罪》入圍角逐本屆視后及最受歡迎電視女角色，她形容驚喜非常：「之前有幸角逐過女配角，不過我婆婆緊要過一切，我聽日就上飛機返加拿大，所以頒獎禮當日我出席唔到，希望一班好姊妹，好似蔡思貝及賴慰玲到時喺現場，幫我打吓氣啦。今次同佢哋一齊入圍，感覺幾得意，大家見證着彼此嘅進步及努力。」她表示暫時未知歸期：「我又畀壓力經理人，叫佢快啲搵工作畀我。依家啲飛機票可以任改，真係好好。」

至於她自爆曾被客戶要求「性感啲」，她說：「我不嬲都係女權感受比較重嘅，覺得女仔要為自己發聲，大家要尊重女性，當年我影寫真，都不時圍繞住呢個話題。」

日前黃宗澤表明與她沒有發展機會，更直指她「似男人」，她：「我係㗎，所以冇乜男仔喺我身邊出現，至到依家都係單身，應該學吓點樣溫柔。我同黃宗澤真係好兄弟，今次合作拍劇好開心。」