開唔開心好？鍾健威被認錯做「叉燒炳個仔」

藝人鍾健威早前決定離開樂隊sp'ACE，全力向主持方面發展，他說：「唱歌只係興趣，同埋1份人工要5個人分，大家都係返完工到凌晨先可以聚埋玩音樂，我都唔細喇，精神都難負荷。」無奈疫情下，司儀工作大受影響，他表示目前靠投資生意維生：「所有活動司儀工作都冇晒！惟有進修自己，學沖咖啡、潛水。好彩都有啲投資，我同黃美棋喺台灣都有投資餐廳，但飛唔到過去參與開幕。」

雖然名氣比不上女友黃美棋，但他坦言不介意被標籤為「黃美棋男友」，又自爆曾被認錯為劉愷威：「有次喺街跑步，有個師奶指住我話：『你係咪咩咩威？』當時開心咗一下，以為佢認得我，跟住佢話：『你咪叉燒炳（劉丹）個仔！』我就笑住答：『我唔係劉愷威，多謝你！』」