东网电视
更多新闻短片
林子谦直认公司有裁员一事，不过佢依家未收到信封，可能安全度过。
新城电台昨日传出今日裁员消息，更有指部分前线DJ会收“大信封”，早已于4年前转Part Time DJ的范振锋今日下午返电台录节目，问到有否受裁员影响？他指变动不大：“公司寻日有搵我倾过，都系有客户搵就度新节目。（新合约形式要DJ搵赞助商？）差唔多20年前自己已经有搵客户合作，都养成咗搵客呢个习惯，同埋啲客锺意节目就会赞助，会系依家嘅大趋势，可以拆佣、再同公司倾有几多分帐，总之就系多劳多得。”人工有变？他笑说冇主动问：“冇理由自己提起，其实都系睇个客点倾价钱。”
问到知道裁员名单？他说：“因为我系Part Time，公司冇同我哋开会讲，都系睇报纸先知裁员。（冇私下问其他DJ情况？）有同啤梨（叶文辉）联络。（咁啤梨情况？）就要问番佢。”发生“大地震”会否觉得公司经济情况“危危乎”？他指：“我谂唔单止我哋，各行各业都一样，希望疫情快啲好番。”
不过林子谦都未收到新合约嘅信。
范振锋又透露现时手上有2个节目，当中包括跟薛家燕主持超过10年的《开心大派对》，同时他表示刚找到客户赞助，之后将会有多2个节目推出，另加网上电台的2个节目，合共主持6个节目，实行密食当3番！他又谓之后节目所用到的人手会较精准，相信之后会有同事兼任幕后工作。
范振锋指“地震”对佢影响不大。
另一DJ林子谦亦有受访，直认公司有裁员一事，不过就不清楚名单，讲到有传他已被炒，他则表示未收到任何信件，又透露公司之前已同大部分的前线全职DJ倾好转另一个形式合作：“我都系会转Contract。（会接受呢个Offer？）冇得唔接受。（会唔会觉得唔合理？）都冇，公司话会跟足劳工法例。（涉及几多位DJ？）唔清楚。（有冇人唔接受新安排？）未知新嘅节目表，只知自己个节目，会转黄昏。（福利会有唔同？）当然唔会似以前咁好。”
问到转合约形式后，工作上有何改变？他表示没有太大影响，仍然都会以1个人主持节目，问到新合约条款是否要求DJ亲自搵赞助？他坦言是：“都会试吓！（搵唔到赞助会罚？）我谂唔会嘅。”至于有传留任员工将减薪1至2成，他说：“转咗Contract人工都会同以前唔同。（减薪幅度？）未收到新合约嘅信，收到先再倾，系会少咗啲全职DJ。（有裁文职？）唔清楚，但应该有，好似会再出新闻稿。”另外，问到月尾的新城劲爆颁奖礼有否受大地震影响、能否如期进行？他表示会继续举行。
