新劇有望開續集 龔嘉欣嫌棄羅天宇:乜都睇勻晒

2020年12月18日 16:08
東網電視
更多新聞短片
好似真情侶一樣。
藝人龔嘉欣與羅天宇出席無綫劇集《香港愛情故事》宣傳,為配合劇中角色,男方被要求向嘉欣示愛,沒料被對方要求除衫,同場的林景程即上前幫拖,天宇於是除下大褸後即跪地求饒,場面搞笑。
事後兩位主角齊受訪,對劇集口碑好表示沒有預計,天宇笑指於街上也被市民叫他劇中暱稱「巨龍哥」,令其尷尬非常,談到於下月頒獎禮分別有視帝、飛躍及喜愛角色三獎提名,他不諱言感覺如發夢:「唔敢諗太多,但對自己嚟講係一個肯定(拉票?)媽咪日日Send條Link畀人,叫佢哋入去見我個名就撳。」而同樣有幾個提名的嘉欣,就笑指不同劇有不同提名,故會分散投資。
對於劇集有機會開第二季,二人同聲叫好,嘉欣興奮說:「好想,因為成個團隊好開心,但我唔想再有嗰啲(親熱)場口,零床戲,好驚,乜都睇勻晒,厭咗,我唔要天宇啦!(咁抗拒?)講笑,其實佢之前都介懷,因為角色本身唔係佢,但我覺得選角係啱嘅,第二輯都一定預佢,非佢莫屬。」天宇坦言早幾日才知是執二攤,但也沒想太多,認為已盡力演好角色。