《男排女將》楊昕同小鮮肉合作　最鍾意顧定軒

藝人楊昕在牛頭角接受網上直播節目訪問，她演出的ViuTV節目《男排女將》今晚將大結局，戲中飾演鄧麗欣好友的她表示：「拍攝經歷好深刻，尤其打排球，我哋想出嚟係似識打排球，所以練波相當刻苦。」

講到戲中與多位「小鮮肉」合作，她說：「明白佢哋點解令咁多粉絲心動，成班都好靚仔、好熱血。（最鍾意邊個小鮮肉？）好多個都鍾意，最鍾意係顧定軒，因為同佢合作過，好欣賞佢對演藝嘅堅持，佢嘅眼神亦都好堅毅，外形Ian（陳卓賢）都係我鍾意嘅青靚白淨小鮮肉類型。（話Ian同陳曉華拍拖？）有睇新聞，但係呢方面就留畀佢哋交代。」她透露有圈外男友，男友相當支持她演戲，明年將會有更多電影演出。