王祖藍大女跳《Baby Shark》　年紀小小盡得父母真傳

王祖藍個細女Hayley最近出咗世，祖藍又再做爸爸，好多人生咗第二個仔女之後都會掛住照顧個細嘅而忽略咗大嗰個，不過好彩佢哋都冇冷落到大女Gabby，日前Gabby生日，王祖藍同太太李亞男就為佢安排咗主題樂園生日派對，見到佢哋一家好開心，Gabby仲同爸爸媽媽大跳《Baby Shark》添！

講起娛樂圈嘅美魔女唔知大家會諗起邊個呢，我就會諗起米雪啦，雖然佢已經六十幾歲，但仲係勁靚同好有活力，完全睇唔出佢嘅真實年齡，而被封為「少女版米雪」，形象斯斯文文嘅何敏怡就話希望畀大家睇到佢唔同嘅一面喎。