為自己聖誕歌尋找浪漫　譚嘉儀羅天宇擁抱維港搞爛gag

譚嘉儀為新歌《Christmas With You》拍攝MV，一直想擁有聖誕歌的她，邀請了胞兄Alan及監製一同創作。MV請得羅天宇（Joey）擔任男主角，她表示之前曾合作翻唱電影《阿拉丁》一首英文主題曲《A Whole New World》，之前還刻意穿上阿拉丁風格服裝拍MV：「我哋都已經好有默契，Joey最近為自己新劇宣傳好忙，好感謝佢抽時間為我呢首歌做男主角。」

聖誕主題的歌曲當然想營造一個浪漫的感覺，MV其中一個拍攝地點就是一間面對維港景色的餐廳，她說：「現場特登布置咗一棵聖誕樹，背後仲有好靚嘅維港燈飾，喺呢個氣氛下同 Joey一齊跳舞，佢仲拎起結他唱歌畀我聽，成個氣氛真係好浪漫，不過我哋兩個實在太熟，會被大家嘅爛gag破壞氣氛，變咗搞笑場面。」