【衝上雲霄大選】李傑志講有味笑話 馮盈盈㷫合合

2020年12月23日 20:37
東網電視
更多新聞短片
一齊坐低傾吓偈!
無綫《衝上雲霄大選》網上直播中,15位參賽者大談「航空秘聞」,一班女神級主持馮盈盈、何依婷、戴祖儀及林穎彤,於現場跟多位機師及空中服務員傾偈,一開始時,盈盈笑言好熱,抆低少少件Tube Top的上衣,相當搞笑。
4位女神就指出自己心目中的理想機師,盈盈揀盛勁為(Keith),何依婷、林穎彤及戴祖儀都揀麥大力。陸浩明又要求Keith用機師聲音去約會盈盈,盈盈嬌嗲謂:「你會唔會教我點揸飛機㗎!」而李傑志(Brian)扮約戴祖儀食飯時,祖儀謂:「去邊度食先?係咪有得入Lounge㗎!」林穎彤居然爆一句:「你咪應該問佢,係咪我個機場?」Brian即時愈講愈興奮,又謂:「咁我哋可以一路食飯,一路搵機場,一路搵跑道囉!唔緊要,濕滑嘅跑道我Handle到!每次遇到濕滑嘅跑道,我哋都要大大力咁壓落去,咁先至安全同貼服。」全場狂叫!對話非常3級,盈盈聽了即時大笑到失晒儀態,不時為用手撥風為自己降溫,之前揀Keith的她,即時表示要轉軚謂:「我想坐Brian飛機呀!」
之後到機艙事務長,年資10年的劉佩玥師姐朱凱薇(May)分享難忘事,透露試過突然要緊急降落,因為收到通知有炸彈,但發現原來是虛報!而年資13年的李鉅峰就試過在機上救人:「我哋即刻打去地面問醫生意見,聽到藥名就去藥箱搵藥即刻噴佢,佢即刻醒番,我哋都有做人工呼救,我負責撳心口。」年資13年的陳國麟和年資10年的楊銘熙難忘經歷都是救人。他們分享搭飛機upgrade大法,教路大家一定要揀大時大節,如econonmic class爆了就可以upgrade,但亦有風險,因為business及first class都有機會full。
最後大家輪流講感情狀況,其中只得李鉅峰、張天穎、古濼欣及陸煥恆現時有拍拖。其中陳國麟表示自己是A15,大家即十分驚訝,現年35歲的他表示最長拍拖是4年,最短是4個鐘,他說:「機上有個乘客問我攞電話,仲拖我手,話今日係佢生日,所以我就做佢男友,但一落機就冇下文。」之後眾女主持揀誰最吸引,盈盈、何依婷及林穎彤都揀陳國麟,覺得他拍過15次拖見多識廣,而且成熟穩重。