梁漢文九華山參拜大佛　祈求疫情快啲完結

歌手梁漢文近日到內地開工，早前佢現身節目踢足球，並自爆膝蓋有積水問題，幸得中醫診治已無大礙，能如常踢波。呢日佢相約友人登上安徽九華山睇雪景，兼去寺廟朝聖，並拍片分享至社交網，見佢先乘搭纜車，然後再步行約40分鐘上山，沿途白濛濛一片，畫面唯美。

佢到達後除咗於大佛前參拜，亦體驗坐轎落山，非常樂在其中，佢留言：「去年冬天與朋友一起在北海道的雪山歡樂度假，今年突然來個疫情，朋友見面少了，飛機航班、旅遊也停頓了。以為今年不會再見到白雪……料不到！好運的我，一樣上了雪山！哈哈！跟大家分享一下地藏王菩薩的道場：九華山美景，在地藏菩薩寶地『瀛寰搜奇』，祝願疫情早日完結，世界回復正常。」