第4次「14天」！邵珮詩消失1星期為隔離作準備

前港姐邵珮詩向來活躍於社交網，5日冇更新嘅佢今日出post，表示消失成個星期，係為上機作準備，並透露自己今年第4次隔離：「好多野（嘢）要準備阿（呀）！而（依）家到達了，想報個平安。隔離Day 1開始了～希望一切平安順利～#開始每天報道隔離情況 #等自己留個記錄」。

佢上載咗2段影片，片中見佢戴上護目鏡、着咗多件外套，防疫措施充足，由香港機場登機以至機上情況都一一拍低，表示機場人數甚少，然後拍低飛往台北嘅登機牌透露目的地。落機後繼續拍攝，乘坐7人車返回台北逗留嘅住所，一返到去即以普通話說：「我回來喇！我回來喇！」又表示屋裏好亂，將會趁隔離14日收拾房間。