鄭裕玲勁讚《衝上》參賽者有潛質　農夫要轉行做維修

鄭裕玲（嘟嘟）與農夫為《衝上雲霄大選》聖誕前哨戰擔任司儀考驗15位參賽者，嘟嘟大讚參賽者質素高，說話有條理兼有才華，問到看好那一位？她坦言：「個個都睇好，今日第一次見佢哋，同佢哋傾咗幾句，覺得佢哋好有潛質。」農夫笑言：「嘟嘟剛認識我哋，話我哋冇潛質，依家話佢哋好有（潛質），咁真係好有。現場有人自薦做主持，我哋真係要轉行，我哋要轉做維修，去做電工。」

對於大選要對撼ViuTV《全民造星III》，嘟嘟自言不知情：「呢邊係工作，會做好，有競爭係好事。」至於會否感壓力，農夫指參賽者的壓力一定比他們大。講到在疫情下舉辦大型活動，他們稱主持節目時會戴上透明口罩，如果疫情更嚴重，就會改戴醫用口罩。

另外，問到有否空中奇遇，他們均表示上機即睡覺，嘟嘟謂：「因為多數搭長途機，想瞓得舒服啲，會帶備眼罩、耳塞。」又指農夫睡到似死人一樣，農夫說：「佢差啲想同我哋蓋棺，想搵我哋傾句偈都傾唔到，我哋由上機瞓到落機，我哋應該係最受空中服務員歡迎，因為完全唔需要服務。」