台灣拍節目享天倫 余思霆騷Fit爆身材浸溫泉

20201226
東網電視
更多新聞短片
余思霆到台灣拍節目除了可以騷身材外,亦可與家人團聚。
藝人余思霆自10月中離港赴台灣為無綫拍攝綜藝節目,首次單拖以廣東話任主持,極具挑戰性,早前走到花蓮拍野溪溫泉,貴為「咪神」的她以泳裝親身體驗,毫不吝惜大晒34C驕人上圍,令人睇到流鼻血。
回憶拍攝過程,思霆透露拍攝時天氣比較熱:「好舒服,太陽又大,溪水涼涼地,而溫泉嘅水就好熱,同埋呢邊冇咩疫情,所以都冇咁緊張,(騷身材前要Keep Fit?)自己覺得唔係好Fit,因為拍呢一幕嘅時候,之前已經拍咗一個月旅遊節目,所以有啲肉地,(係咪好耐冇騷身材?)公司節目比較少,但自己網上節目就成日都有。」
她已逗留當地兩個月,直言暫完成了《玩起來》9集節目,下月將出發環島拍攝新節目,預計最快3、4月才返港。識逢哥哥聖誕期間生日,故今年會與兄長一同慶祝:「屋企人住花蓮,我今次住台北,但都成日返去搵佢哋,新年都會一齊過,好開心。」