鄧健泓一招賀壽冧爆石詠莉：成晚黐住我

藝人石詠莉生日，老公鄧健泓花盡心思為太太慶祝。最終決定在家親自下廚炮製龍蝦大餐，並將相片上載到社交網，他表示：「每年老婆生日，都要諗喺邊到食晚餐。今年聖誕節加上疫情，外出應該冇可能。前一排，佢又再提過掛住嗰種海鮮餐。於事我就決心為佢準備，諗住學煮。食完之後成晚黐住我，今晚難忘嘅，因為我人生第一次處理活生生嘅龍蝦。」

而石詠莉深受感動，表示：「佢就喺屋企鬼鬼祟祟唔畀我入廚房。鄧生獻出第一次劏龍蝦，克服到真係好叻仔，好好味呀，日後你負責廚房，我負責食啦！多謝老公。」