處女下海同黃宗澤合作勁緊張　蔡嘉欣大讚馬德鐘幽默

藝人蔡嘉欣出席活動表示近日剛拍完3套劇集，分別是《飛虎之壯志英雄》、《金宵大廈2》及《智能愛（AI）人》，其中在「處女劇」《飛》飾演女警，與馬德鐘、黃宗澤等人同組，坦言對住前輩做戲很緊張：「個心卜卜跳，但佢哋好好，不斷叫我放鬆，亦因為呢套劇發現自己鍾意拍劇。（有冇緊張到狂NG？）又未，拍前幾日我已經背熟啲稿幾百次，所以好彩唔係NG太多。」

講到對住多位型男工作，她笑言目不暇給，又大讚馬德鐘有型得來很親切：「同埋原來佢好幽默，之前以為佢好正經，但原來私下好好笑，而且佢真係好犀利，明明一齊講緊笑，但一聽到action就可以即刻講番3頁紙對白。」