【離家1個月】貝安琪德國返港　囝囝唔相信以為見鬼

藝人貝安琪（Ankie）早前逗留德國1個月，拍攝電影及電視劇，最近完成返港受訪稱，跟來自歐洲不同地方的演員合作，相當開心，她表示：「拍攝好開心，角色好好玩，拍攝預算唔多又拍得好密，不過拍得好開心，德國呢邊好凍，有關肺炎疫情，大家都好小心，日日都會檢疫，如有人中就要停！」

Ankie返港後展開14日酒店隔離，她稱：「老公日日都嚟探我，但只能喺街上，透過窗同我揮手，或者攞嘢畀我，而我就日日都同囝囝通電話。」而完成隔離後，Ankie趕得及返屋企布置聖誕樹，因為離開香港太耐，囝囝再見她都有點不習慣，她笑言：「半夜布置緊聖誕樹時，囝囝見到我好似見鬼，嚇到佢問係咪真係媽咪返咗嚟？好好笑！」