素人撞樣要識揀　「南寧羅志祥」日賺200萬

20201228
  • 東網電視
    更多新聞短片
    撞得夠似、夠有Noice，真係隨時有錢賺呀！
    息影多年嘅女神王祖賢被發現有台灣分身，最近就有位「山寨版王祖賢」憑一張街市劏魚照紅遍網上，17歲就被傳媒爭住採訪。其實唔止佢，好多素人都因為同紅星撞樣而爆紅，有啲仲紅到財源滾滾來添！
    已故天王巨星張國榮舊年「復活」，一位大陸巴士司機竟然同張國榮生得一模一樣，網友仲多角度偷拍，真係點睇都咁似，差啲嚇親…
    台灣天王周杰倫就堪稱「撞樣王」，最近就有位小販在街頭整手抓餅，無論髮型、膚色同眼神，都同似到十足十，期間更有市民上前合照，就知佢到底有幾似。
    台灣舞王羅志祥（小豬）就有位孖生兄弟「南寧羅志祥」蒙俊源，對方因為被小豬親證「撞得夠真」而成為網紅。今年小豬分手事件發生3日後，竟然帶挈蒙俊源直播帶貨，收益都超過200萬港幣！
    歌神陳奕迅（Eason）都有「分身」，一名湛江市民喺街上斬椰子而被網民改名做「陳椰迅」，佢仲升呢變網紅，斬椰子片上載幾日更有超過500萬人次瀏覽，佢仲不時唱Eason嘅歌再拍片，連Eason本人都親自認證：「果然很像！」