梅艷芳逝世17周年　袁詠儀不曾缺席發文悼念

「望着海一片　滿懷倦　無淚也無言…」今日12月30日係是天后梅艷芳逝世17周年，每年一到呢個日子，都會令人想起梅姐嘅歌聲！而其生前好友袁詠儀（靚靚）每年喺梅姐生忌及死忌都會在網上悼念，今日亦唔例外！

佢凌晨12時多喺社交網發文：「梅姐，你好嗎？ ​​​​」網民都話靚靚一直都好有心，每年都最準時，「謝謝長情的靚靚[淚]我們都好想她[淚]」、「她會很好的」。亦有眼利網民發現靚靚已連續10年發文懷念對方。

而梅姐徒弟蔡一傑就早在昨晚上載昔日師傅嘅表演片段，留言：「阿梅，又到了你的忌辰，美好回憶仍然在腦海中盤旋，miss you??你在天之靈保佑我哋全香港大眾市民個個身體健康，疫情快過去！」