新城勁爆:網友插爆 周柏豪攞獎歌都冇得唱?

20201230
東網電視
更多新聞短片
新城話係信號故障!
《新城勁爆頒獎禮2020》今日網上直播舉行,「勁爆男歌手」是陳柏宇、許廷鏗、周柏豪,3人同奪多首「勁爆歌曲」。近日被抨擊的柏豪得獎時意有所指表示:「祝大家新年快樂,多謝支持周柏豪嘅朋友,做咩都好,最緊要家人開心平安,冇嘢重要得過家人,我會繼續努力。」當柏豪攞獎時,網友留言鬧爆,新城即封鎖了留言功能,而柏豪就離奇冇份唱歌。新城回覆網友表示:「因為信號故障,剛才FB live中斷了,現在重開一個FB live。」而在新開的直播,網友可以繼續留言。
「勁爆年度歌手」及「勁爆歌曲」的得主莫文蔚開心表示:「今年好特殊心情,好耐冇喺香港,又冇唱廣東歌,好開心,成年事好勁爆,多謝大家支持!新年願望係希望大家平安健康!」而「勁爆演繹大獎」得主是泳兒,她謂:「2020年大家好辛苦,多謝DJ支持,今年有新突破、新嘅演繹方法,今年呢首歌係大挑戰但高質。」她又乘機教大家扮救傷車的響聲可以練到海豚音。
「勁爆樂隊」由成軍17年的Dear Jane奪得,再憑《銀河修理員》奪「勁爆播放指數歌曲」,主音Tim表示他們這17年轉了個成員及多了3個老婆,亦謂今年雖然做音樂艱難,但都很開心可以出碟,亦可以多了時間雕琢做歌。「勁爆組合」由MIRROR奪得,但緋聞纏身的Ian就潛水,DJ解釋因他工作在身未能出席,但事前拍下片段。馮允謙連奪兩獎,分別是「勁爆歌曲」及「勁爆專輯」。