《堅》劇大玩Cosplay　劉佩玥變身神奇女俠勇救張振朗

無綫劇《堅離地愛堅離地》尋日播到第3集，劇情講到鍾意打機嘅宅男張振朗想救劉佩玥（Moon），但唔小心仆倒，反而變成女救男，張振朗就將Moon幻想成神奇女俠。

Moon尋晚就將花絮相放上社交網，劇集終於播出可以講下感受，佢話：「要着呢一套嗰年真係好hit嘅神奇女俠裝，着完落車嗰吓真係需要相當大嘅勇氣???同埋張振朗真係仆咗好多次由試位到goodtake真係好辛苦佢，除咗佢仆得辛苦，我忍笑仲辛苦！」Moon仲大爆收藏好多對方仆倒嘅video，粉絲都叫佢快啲公開私藏！

除咗Moon扮神奇女俠外，《堅》劇都大玩Cosplay，仲有到黃心穎扮女僕，唔知大家buy唔buy呢？