6年情斷？李佳芯暗示過新生活　陳炳銓讚好

「視后」李佳芯同男友陳炳銓拍拖多年，一直都打得火熱，不過近日有消息傳出二人情變，更指女方搬出同男朋友位於西貢嘅獨立屋，實行過新生活。今日女方喺社交網發文，意有所指：「#貳零貳零，再不完美，都走過了，繼續安靜的，把自己找回來，拿出勇氣，繼續相信，好好去愛，不需完美，但求活得無怨無悔，繼續，走下去。」而男方亦有讚好發文，似乎仍然保持友好關係，而今日亦喺社交網透露去露營睇日出，似乎冇受新聞影響心情。