骨肉情深抗疫　黎燕珊為女兒搞生日會

由於疫情肆虐，市民好耐冇聚埋一齊，不過今日係藝人黎燕珊女兒劉詠詩（Wynce）27歲生日，每年佢都會為女兒搞生日會，好好慶祝，今年亦唔例外，佢孖住阿仔劉德權（Dicky）同女兒切蛋糕慶祝！

心情大靚嘅黎燕珊，除安排蛋糕，又預備咗生日帽同利是，充滿母愛，她留言：「回顧2020年彷彿世界一切都在改變，唯一不變是每年為女兒搞生日會，一起倒數，踏入2021年，希望一家人、朋友、粉絲都跨過疫境，健康平安迎接未來！」而囡囡亦留言多謝，指佢花心思搞生日派對：「媽媽我愛你，新年快樂！」