許廷鏗因牙醫身份被誤解　強調唱歌唔係玩玩吓！

歌手許廷鏗早前首次奪得叱咤男歌手金獎，佢有感而發喺社交網發文，剖白做歌手嘅心路歷程。佢除咗唱歌之外，另一個身份就係執業牙醫，佢指好多人對佢有誤解，以為佢做牙醫賺到錢，出嚟唱歌只係玩玩吓㗎啫！但佢話其實事實並唔係咁樣嘅：「我不是記仇，但我這個人很不願意被誤解。因為我認真愛唱歌，從來都不是玩票性質。」

除咗歌迷嘅支持，佢亦希望大家繼續支持香港樂壇：「謝謝2021第一天大家給我的這份禮物，我好滿足，但我在台上講的我會記住『我仍然會繼續唱好我嘅歌畀大家聽』。曾經『失望』的，請給我們一眾堅守的歌手一個機會，去兌現大家的『期望』。」