頭盔當口罩？陳鴻業一家大細分4枱坐開餐

為咗控制疫情實施禁聚令，現階段食肆每枱限人數為2人，一家大細想出街食餐飯都要分枱坐認真唔容易！好似名媛鄭詩韻同老公陳鴻業咁，今日見佢哋去咗中環歎茶，同行仲有兩個仔等6個人，為咗跟足防疫指引，佢哋選擇分夠4枱坐，作為老公就最忙碌，不時要起身走去其他枱傾吓偈打點吓，期間仲徒手攞太太枱面嘅薯條食，而兩位小朋友就坐唔定過枱黐媽咪，搞到超過咗防疫人數限制，最後要餐廳經理提醒，眾人才分番開坐。他們離開時，唯獨陳鴻業未有帶上口罩，不過見他手持電單頭盔，未知是否想用頭盔代替口罩呢？