撇甩朱敏瀚！余思霆唔戴罩黐仔夜蒲

前華姐余思霆最近到台灣拍攝節目，雖然與男友朱敏瀚分隔兩地，只隔空「共同」欣賞五月天嘅演唱會跨年，但佢依然不愁寂寞，日前更孖住由香港回台灣發展嘅歌手劉子碩到夜店夜蒲。男方於社交網晒出當晚片段，見佢哋情緒高漲，跟住音樂又跳又唱，而女方更用口向台上女表演者遞錢，相當忘形。不過見佢哋全程未有戴上口罩，又有貼身接觸，似乎略欠防疫意識。

東網搵到余思霆回應，她說：「我同子碩有個朋友生日，過去講生日快樂同影張相，同埋我同子碩係超級好好朋友，可以講係閨蜜！」