簡淑兒晒6舊「朱古力」　張振朗狠踩：好核突！

藝人簡淑兒樣子甜美，唔好睇佢外表乖乖、鄰家女孩感覺，其實私下係健身好手，最近仲操出6舊「朱古力」，遠睇已經好立體，線條出眾！佢喺社交網晒出腹肌相，提醒大家假期放縱完要還債。唔少網民紛紛畀like讚弗爆，不過《踩過界II》拍檔張振朗似乎唔受落，留言狂踩：「好核突呀！」

禁聚令前，佢不時跟好友陳婉衡做gym，齊齊做健身女神。