曾患暴食症體重達127磅　王君馨垃圾桶執餅乾食

藝人王君馨入行初期曾因飽受負評，導致壓力爆煲患上暴食症，最肥時體重高達127磅，呢日佢拍片重提患暴食症一事：「其實開頭唔知自己有暴食症，我諗當時比我依家係肥12至13磅，會成日忍唔住會食好多嘢。心入面會有把聲音鬧我做咩食咁多，但之後又會想有填飽個肚嘅感覺，我試過食盒餅乾有罪惡感，掉咗入垃圾桶，但之後去垃圾桶拎番盒餅乾邊食邊喊。」當時靠教會重拾鬥志，明白任何人都會有軟弱一面才逐漸釋懷，現時對自己要求好高，但明白只要盡力而為已經足夠。