貼圖悼李香琴　林峯：R.I.P親愛的嫲嫲

「一代奸妃」資深藝人李香琴（琴姐）昨日病逝，享年88歲。她生前演出過不少經典作品，於《溏心風暴之家好月圓》中飾演嫲嫲角色，「唔使驚，嫲嫲喺大廳！」更成為經典金句，而在戲中飾演琴姐孫仔的林峯於社交網貼出一張錫李香琴的照片，並留言：「R.I.P親愛的嫲嫲。」懷念一番！

而無綫《東張西望》節目今晚繼續回顧李香琴的演藝生涯，並訪問了好友林建明、汪明荃和監製李添勝等。林建明指跟琴姐最後一次見面時留下很深刻印象：「好好地一個人，好生猛、好樂觀，嗰次見佢唔係好郁，人又唔係太認得，但同佢唱起佢識嘅粵曲時，佢又會記得番晒，好深刻。」