超少布戲服！余潔滢濕身扮女鬼嚇窒蘇皓兒

藝人余潔滢（Zoe）最近參演了一套網劇，於其中一個單劇中化身「女鬼」，希望好姊妹蘇皓兒（Chloe）助她尋兇。Zoe直言今次拍攝相當有趣，又大讚「好姊妹」Chloe，她表示︰「佢係一個好nice嘅女仔，其實拍呢套劇前我唔認識佢，都係拍攝當日先認識，便要演一對閨蜜。」她笑言大家在劇中「結緣」︰「今次只係拍攝一日，了解未夠深，不過都幾有緣，一齊上戲劇堂，對佢了解多咗。」

Zoe坦言這是她第二次拍單元劇，雖然今次戲份不多，但她坦言拍攝很難忘，更要「濕身」演出︰「因為劇中講我被殺後掉落水，有一場戲係我搵Chloe，佢開門見我面青口唇白，成身濕晒都幾恐怖，其實當時天氣幾凍，我戲服得超迷你背心短裙。」

另外，同公司的男模劉志偉在該套網劇演變態殺人狂，演戲「初哥」的他事前花很多時間背熟劇本，他說︰「比較深刻嘅嘢一定係我要殺Chloe嘅時候，有人過嚟將我制服，本來以為會有打鬥場面，點知變咗係搞笑形式，都幾好玩。」