何超蓮冇水沖涼有後續　G.E.M.點條死路大整蠱

賭王千金何超蓮現身在上海，尋日佢就自爆天氣嚴寒-7度，屋企因水管全結冰而冇水沖涼，搞到佢要深夜發文求救。

搞完一輪，超蓮索性自爆點樣過呢個寒冷嘅寂寞夜，佢話佢靠大支裝水解決：「我買了大瓶裝的水淋了身體卸了妝　頭沒洗就睡了.....但水很冰沒有錯…我媽說在家千日好 出門一時難！沒事！大不了我今晚去睡酒店，昨晚我怎麼就沒想到呢？」

不過呢個唔算最爆，原來佢尋晚仲有同好姊妹鄧紫棋（G.E.M.）求救，對方叫佢試吓用熱毛巾包住水管，點知最後連毛巾都變咗冰﹗最終超蓮第2日搵師傅維修，劏開水管後，發現水管內全條變冰，網友慨嘆連豪宅水管都結冰，上海冷鋒真係嚇親人…