楊奇煜做爸爸　竟然最驚囝囝個樣似自己？

台灣男團Lollipop@F成員楊奇煜（小煜）去年與護理師女友李顏言閃婚，繼而造人成功。今日佢喺社交網宣布太太平安誕下一子，更上載一家三口合照，他留言：「非常感謝大家的集氣，母子平安。#mujo生日快樂，1/9 是我人生另一階段的開始。」

剛成為新手爸爸嘅佢，接受台灣傳媒訪問時自爆老婆唔肯畀佢陪產，因為佢怕血，所以怕佢會暈低。更指BB同佢個鼻好似，笑言驚佢日後大個同佢一樣咁靚仔。另外，佢亦為太太訂好月子中心坐月，等BB大個啲先一家三口環島度假，獎勵太太咁辛苦。

問到會唔會想追番個女，佢坦言有咁嘅打算：「但我怕自己掛念女兒無心工作，所以下一胎男女不拘好了。」