完全唔似生過兩件！陳嘉寶31歲生日同賴慰玲晒恩愛

藝人陳嘉寶（Anjaylia）昨日31歲生日，獲家人好友為佢慶祝，收花兼收4個生日蛋糕，萬千寵愛在一身。佢喺社交網大晒生日靚相，同閨蜜賴慰玲嘴對嘴扮錫錫，而身在海外嘅陳瀅都安排咗花畀壽星女，真係好有愛呀！

佢留言：「感恩。從來沒有想過這個年紀的我已經擁有這麼多...天父的恩典總是比想像中更為豐盛。這個生日，有神、有愛、有工作、有家人、有疼我的朋友們和這隻陪我渡過了27個生日的小兔子，滿滿的，都是恩典。未來1年，要更努力，希望在神的帶領下，讓大家看到更多、更不一樣的我。」唔少網民都大讚已為兩女之母嘅佢依然Keep住童顏，完全睇唔出已經31歲。