何廣沛同李佳芯拍親熱戲：我個身臭佢都唔怕！

藝人何廣沛於無綫新劇《愛美麗狂想曲》表面上是手遊公司老闆，背後卻是一名上市公司繼承人，與視后李佳芯有感情線，當中不乏親熱戲，笑指二人曾多次合作，不過角色只限同事性質，直至今次才埋牙演情侶，他說：「佳芯貴為視后好專業，記得拍攝時係夏天好熱，好多時排嗰陣做一次，我身水身汗，可能都會臭，但佢即使要攬都唔介意，好敬業。」

問到是否好多親熱戲？他說：「都有好多場，但我係佳芯同陳豪之間第3者，最終揀邊個大家自己睇，總之我嘅出現係令佢認清自己想要啲咩，雖然我係客串，但第4集到30集都有，中間隔幾集就出現，仲要只演感情戲，同其他角色幾乎冇碰頭。」而去年連拍兩套劇的他，透露將稍後休息，預計農曆年後再開工。