為工作別離5日　梁靖琪掙扎應否停餵人奶

藝人梁靖琪早前一家三口於內地酒店慶祝囝囝1歲生日，但由於工作關係，她需要繼續留在內地，老公及囝囝則先行回港。呢日佢就喺社交網發文，指今次係囝囝出世以來兩母子第一次分開咁耐，雖然目前只係過咗短短5日，但已經覺得非常漫長。

佢續指呢個係停止餵哺人奶嘅好機會，但又認為餵母乳係母子之間最親密嘅時間，故非常掙扎應否停止。而佢即使工作期間都心繫囝囝，一有空檔就會把握時間泵奶，母愛認真偉大。