寒天鬥露肉　陳自瑤人肉暖包「胸」狠搶Fo

《萬千星輝頒獎典禮2020》今晚於將軍澳電視城舉行，雖然天氣寒冷，但無阻一眾女星爭妍鬥麗，於行紅地氈時，當中以陳自瑤銀色吊帶低胸晚裝露腰兼騷背，以及朱晨麗Deep V西裝最搶鏡，張曦雯（Kelly）與馮盈盈則「失手」以娘爆「金都Feel」姊妹裙款式亮相，高海寧（高Ling）收起身材以密實造型上陣，但心口位置隱若露胸光，視后大熱龔嘉欣則不過不失，反而無綫小花林凱恩頗為亮眼，白色晚裝裙盡顯仙氣！

高Ling被問到今次如此密實上陣，不怕被搶鏡？她謂：「天氣凍嘛。」Kelly則幫口指她的晚裝裙能顯出線條，而Kelly佩戴的鑽飾約值300萬元。

有份提名「最佳女配角」的陳自瑤，以谷低胸吊帶Bling Bling造型上陣，心口的「人肉暖包」「峰」殺全場，除了上圍相當澎湃，既露背又露腰，非常性感，面對嚴寒天氣，她說：「以往都未試過咁凍，呢件衫之前揀咗，後來睇新聞先知咁凍，只能硬住頭皮頂硬上，身上都冇位攝暖包。（做足安全措施？）少少，因為件衫都好『忟』。（頒獎禮以來最性感？）還可以，都可以再性感啲，主要睇條裙款式，未去到最底線。」談到老公王浩信有份爭視帝，問到是否也支持他，陳自瑤一如過往繼續避談，更說：「又唔問我都有提名啦！仲有同黃翠如、連詩雅一齊爭拍檔獎，都好想拎，仲有想拎埋女配角。」

林凱恩以白色斜膊喱士高衩長裙示人，她表示過往都穿公主裙，今次想成熟少少，之前被流出艷照的她被問到是否不介意性感時，她謂：「我唔係刻意性感，只係想營造健康、正能量畀大家，（有人專登害妳？）總有啲人會鍾意我，有啲唔鍾意我，（怕唔怕再有更激嘅相流出？）總之未經我同意發布呢啲相已經係侵犯私隱，我自己見到都呆咗。」再問她有否影過再性感的相片時，她沒有正面回應，只謂：「嗰啲只係生活照，（有冇唔着衫？）其實身形靚啲，都係留倩影，（即係影過？）冇！冇影過！」

大熱視后龔嘉欣之前揚言會超性感示人，不過行紅地氈時卻令人大跌眼鏡，她只以一條白色露背、露腿的長裙上陣，嘉欣受訪時被問到有否諗定獲獎感言時，她謂：「我未諗過，不過唔想好似2016年攞女配角時喊到講唔到嘢，想認真多謝觀眾，認同係好重要，（會否做了民選視后已當贏？）絕對係，民意好重要，如果攞到係好珍貴。」她又佩戴了價值百多萬元首飾上陣。

蔡思貝穿了一條黑色低胸流蘇裙行台慶紅地氈，更谷出湯碗胸，她謂：「都唔係，年年差唔多，今年大個女咗所以揀咗黑色，莊重啲，自己以演員身份出席，想簡單、樸素啲，（下身好透風！）其實今日着乜都咁凍，所以揀咗自己鍾意嘅！」

花旦朱晨麗以Deep V西裝造型亮相，於台上行動時不經意露Bra邊，她指自己打晒底，出場前更檢查了3次。