孖曾樂彤帶住代溝去旅行　泳兒個篋竟然裝呢啲！

英皇小花曾樂彤日前出片，分享早前跟師姐泳兒的吉隆坡之旅。首集甫開始就見2人準備出發，曾樂彤講到同朋友一齊去旅行有好大風險時，泳兒坦言都有想過旅程中會否發生爭執，再談及因歲數相差「一輪」，抵死笑話：「我哋係帶住代溝去旅行，跟住我哋返公司就不和，哈哈！」

抵達吉隆坡後，孖妹先Check in酒店房，房間空間感十足、又有開揚景觀，不枉泳兒捱了2晚通宵做資料蒐集！繼而曾樂彤就帶大家拆解旅伴的重達18.7公斤行李之謎！一打開就見到行李箱內塞爆不同物件，首先有蒸鼻器，泳兒說：「一唔舒服就會吸，我個理論係，如果去旅行病係好唔開心，所以我就帶定所有嘢準備。」

之後分別拎出蜜糖、鹽水漱口保溫杯、鹽水洗鼻器等，非常「奇怪」，全被曾樂彤一語道破：「佢為咗懶惰做咗好多準備！」更笑話：「會唔會半夜起床見到你好似喺深切治療部咁插住好多喉！」