張振朗攞獎冇講女友　受訪竟然多謝呢位索女

《萬千星輝頒獎禮2020》「最受歡迎男、女角色」得主張振朗與龔嘉欣於頒獎禮後齊齊受訪，張振朗指自己冇諗過攞獎，見到身邊朋友逐個上去攞獎，都已經很開心，而當輪到他攞獎，感覺則很崩潰：「當時係有種未回魂嘅感覺，太開心，係成個團隊造就套劇，歸功於整個團隊，同埋攞最受歡迎電視拍檔獎都係一樣開心。」他指事前無諗過攞獎，只想了少許致謝詞，但一上台就一片空白，至於上台冇多謝女友楊偲泳，怕不怕對方嬲？他謂：「我成日喺佢身邊講多謝，之後都要鋸扒食薯條慶祝！（你成日提住三上悠亞係咪要多謝埋佢？）多謝三上悠亞。」

龔嘉欣指自己除了角色獎之外，還奪得「馬國視后」，受寵若驚，對於不少網友讚她致謝詞很感人？她則謂：「係發自內心，唔想好似2016年咁喊到講唔到嘢。」對於今晚多頒一個獎項「最受歡迎短篇劇集」，並由她主演的《香港愛情故事》奪得，她亦指想不到，並謂該劇的第2輯可能有更激的演出。