亞視之友搞飯局 張文慈約呂頌賢食健康餐

20210111
東網電視
更多新聞短片
張文慈完成在大陸的首輪工作後,約一班好友飯局。
由於疫情關係,藝人張文慈(Pinky)近月留守內地接工作及出騷搵真銀,不過她終於定了歸期,預計月底返港「報到」,準備拍電影及開劇。談到「返家」,她興奮地說:「真係好掛住屋企人同自己嗰兩隻寵物,但返港後一定會好忙,事關要執屋同準備過農曆新年。」
臨行前Pinky相約同樣身在廣州的好友、同為亞視前同事嘅呂頌賢、陳錦鴻及袁潔儀開餐:「嗰日真係好開心,坦白講即使喺香港都未必咁齊腳。阿呂本身食齋嘅,嗰晚我哋食咗好味又好健康嘅一餐,希望快啲可以再約啦。其實早兩日完成咗合肥嘅工作後,我依家都等緊閉關14日後做核酸檢測,然後就可以返港見大家。」
而早前曾傳突然激瘦疑健康出問題嘅陳錦鴻,於合照中笑容滿面,肥番晒嘅佢仲精神好好添。