袁詠儀1句「買包論」　激到張智霖紮紮跳：去死吧！

藝人張智霖與袁詠儀最近參與內地綜藝節目《蒙面唱將猜猜猜》，二人各戴頭套出場，而且聲音經過處理，開頭身份成謎，但講到買手袋即時暴露身份！主持問到袁詠儀有幾多個手袋收藏時，佢直言呢個話題唔可以講，仲話唔會回答，然後同身旁嘅張智霖講：「你能送包給我是你的福分，對嗎？」點知張智霖招架唔住，賴皮地對老婆講：「去死吧！」兩公婆打情罵俏，場面搞笑。

袁詠儀有「買包狂魔」稱號，去年喺內地坐完「疫監」，即狂掃6個名牌手袋及靚衫，有指嗰度埋單已經近百萬港元，而且張智霖信用卡任碌，寵老婆寵到出晒面！