滕麗名撼頭埋牆起咗個「樓」　老公讚特技妝好似

藝人滕麗名喺社交網上載咗一張額頭起「樓」嘅相片，個瘤仲成個乒乓波咁大，睇到都痛。原來佢今日唔小心「撼頭埋牆」，額頭受傷，原本諗住老公朱建崑會心痛錫番，點知佢以為老婆化咗個特技妝。

滕麗名留言：「上次人夫畀唔落妝嘅人妻嚇親之後⋯⋯佢聰明咗，老公：老婆做乜一早起身化傷（受傷）妝呀。老婆：係真㗎～～～撞咗個頭埋牆好X痛啊！」

點解老公有咁嘅反應，話說老婆去年有次拍額頭受傷嘅戲份，未落妝就返屋企，當時老公嚇得以為佢撞傷頭，今次咁啱又係額頭，老公咁嘅反應都好正常。但好友黃翠如睇到都心痛，留言：「好大粒！睇到都痛。」