為份工頂硬上!林秀怡多次漂染髮頭皮傷到似火燒

20210113
東網電視
更多新聞短片
真係睇見都覺得好傷。
藝人林秀怡早前為拍劇,將一頭黑髮染到勁金,為咗要連戲關係,個頭生番少少黑髮,就要即刻去髮型屋補染,真係咪話唔傷!呢日佢喺社交網自爆之前染頭都冇咩,但今次竟然染到頭皮似畀火燒兼要食零食忍痛,令髮型師睇見都覺得辛苦,但為咗工作惟有頂硬上:「可能因為以前一直都有漂染同埋之前劇集都試過連續漂染嘅關係,以前無嘅誇張感覺,呢鋪有了,今次嘅漂頭令我頭皮每次都畀火燒咁,整完出嚟要麻兩日痕兩日,每次漂嘅期間我只可以靜靜地調整呼吸。呢個頭由黑變金嘅第一次,坐咗全日,個頭又畀火燒,條腰又痛,真係笑唔出。」唔少網友大呼好心痛,更指希望佢快啲拍完劇,等啲頭髮同頭皮可以休息吓。