疫情下飛加國拍劇 李施嬅落機即做呢樣嘢!

20210113
東網電視
更多新聞短片
藝人李施嬅雖然有份於台慶頒獎禮提名視后,但佢心知今年與獎項冇緣,所以頒獎禮當日獨自飛返加拿大,為拍攝加拿大劇集《血與水》做準備。而佢今日已經抵達當地,仲開始入住酒店進行14日隔離生活。佢將離開香港機場至入住加拿大酒店嘅過程,全部拍攝在內,喺社交網上載咗條片。
片中見佢全程自拍,首先就話香港機場所有店舖都冇開,而佢亦經一輪檢查之後才入閘,而上到飛機唔係好多人,座位十分鬆動。經過十幾個鐘嘅機程,佢終於到埗,第一時間即刻買杯咖啡同漢堡包醫肚。之後坐的士去酒店,佢一到達酒店又不停影吓環境,入面有廚房、有廳、有廁所同埋房,又有餐枱同梳化,都應有盡有,十分舒適。