林德信拍戲學埋廚　爆老竇林子祥嘴刁？

藝人林德信（Alex）出席新劇《太平紋身店》宣傳。他打趣今次拍戲之餘，廚技亦有所得着，戲中扮演廚師的他，獲劇組特別安排了專業廚師培訓，他坦言：「有時揸刀切菜手勢唔啱都會被鬧，鬧得幾多㗎，不過我鍾意嘅。」

他用戲中學會的廚技「娛賓」，其中一味「慢煮梅菜三文魚」，分別試整給公公及女友品嘗同樣獲讚，尤其他公公比較嘴刁，令Alex大有滿足感。問到可會為爸爸林子祥下廚？他笑言：「仲未有機會，因為佢仲……（奄尖？）呢個你哋講！」他又笑指自己「得兩味」，故即將到來的情人節打算再整一次「慢煮梅菜三文魚」與女友撐枱腳，且靦覥謂：「我好環保㗎，循環再做囉。」