爆《大叔的愛》月底開工!黃德斌唔敢講「咀仔仔」

2021年01月13日 16:19
東網電視
更多新聞短片
有指ViuTV已買下日劇《大叔的愛》版權,計劃由黃德斌主演。他今午出席新劇《太平紋身店》記者會時,繼續稱仍未有最後定案,但言談間卻露口風正等開鏡!
德斌表示:「講住先啫,詳情等佢哋公布啦,不過真係有傾過嘅,呢一套係瘋狂式喜劇,以前從未拍過。(幾時開工?)好似想月底。」問到以前開工,有否試過「咀仔仔」,他笑答:「咀BB仔算唔算!(你介唔介意咀仔仔?)到時再算啦!我拍係咪真想睇先?(係喎!)你哋(指記者)推我去死!哈哈。」
提到拍攝《太》難忘事,他表示自己戲份劇集中在太平街:「嗰度係一條好有情懷嘅舊街,拍嘅時候感覺都幾好。」對於劇集收視,他表示有信心。而疫情關係,劇集斷斷續續花了半年時間才竣工拍攝,加上題材有新鮮感,因此希望觀眾支持。他又指近日忙於操肌,望以最佳狀態在與觀眾見面。